Beint streymi

Ég verð með beint streymi frá tónleikunum mínum í Eldborg núna á laugardaginn, 17. október, ásamt Reiðmönnum vindanna!


Við hvetjum alla til að ganga frá kaupum tímanlega og prófa að skrá sig inn áður en útsending hefst.


Niðurtalning hefst kl. 20:30 og tónleikarnir kl. 21:00.

Gerðu þér gott kvöld, komdu þér vel fyrir og njóttu tónleikanna!


Nánari upplýsingar um hvernig þú getur streymt hér að neðan:


Góða skemmtun!

Svona getur þú streymt

  • SÝN

    Í myndlykli Sýnar

    Farðu á forsíðu sjónvarpsviðmóts Sýnar og flettu niður að Viðburðir í valmyndinni. Veldu tónleikana og smelltu á Kaupa. Að loknum kaupum opnast aðgangur að rás 900, þar sem tónleikarnir verða sýndir.


    Athugið:     Í myndlykli Sýnar verða tónleikarnir aðgengilegir í 48 klukkustundir eftir að þeim lýkur.


    Í appi Sýnar eða á sjónvarp.syn.is

    Ef þú ert ekki með myndlykil geturðu farið inn á sjónvarp.syn.is, skráð þig inn og valið Viðburðirneðst á síðunni. Veldu tónleikana og gakktu frá kaupum. Rásin opnast síðan í appinu á tónleikadeginum.


    Mikilvægt: Tímavélin í appi Sýnar er aðeins 4 klukkustundir. Því gildir 48 klukkustunda aðgengið ekki um áhorf í appinu.

  • Sjónvarp Símans

    Í myndlykli Símans

    Farðu í VOD-leigu, veldu Viðburðir og keyptu aðgang að tónleikunum.

    Eftir kaup geturðu horft á tónleikana í tímaflakki í allt að 48 klukkustundir.


    Í Apple TV eða öðrum tækjum án myndlykils

    Ef þú ert ekki með myndlykil Símans geturðu farið inn á siminn.is, skráð þig inn í Sjónvarp Símans og keypt aðgang að tónleikunum.

    Að loknum kaupum opnast aðgangurinn í tækinu þínu.


    PIN-númer við kaup

    Ef beðið er um PIN-númer við kaup er sjálfgefið númer 1234, hafi því ekki verið breytt.

    Ef þú hefur breytt PIN-númerinu þarftu að nota þitt eigið númer.

  • LIVEY

    Netstreymi – einfalt og þægilegt
    Smelltu á LIVEY NETSTREYMI, skráðu þig inn og gakktu frá greiðslu.


    Mundu að geyma notendanafn og lykilorð svo þú getir auðveldlega skráð þig inn þegar tónleikarnir hefjast.

    Hlekkur á netstreymi:
    https://watch.livey.events/events/ec7dc61f-623d-4e47-8729-d7b9def9cffe

    Nýtt hjá Livey

    Nú geturðu sótt Livey-snjallsjónvarpsappið beint í sjónvarpið þitt.


    Appið er fáanlegt fyrir:

    LG Smart TV

    Samsung Smart TV

    Google TV


    Þannig geturðu notið tónleikanna á stóra skjánum heima í stofu.
Síðustu sæti í Eldborg

Textaverk

#HB40

Árið 1984 birtist Hið helga Bé sem fullsköpuð stjarna á himnafestingu íslenskrar rokktónlistar.

40 árum síðar hefur Helgi Björnsson gert heila þjóð að vini sínum, kynslóð fram af kynslóð.

Jafnvel tíminn er vinur hans, enda hefur tíminn slípað þennan gimstein í áranna rás meðan Helgi hefur blygðunarlaust látið tímalausum perlum rigna yfir þjóð sem þyrstir eftir snertingu við hjartað.

Íslendingum finnst þessi rigning góð og það rignir enn.

Árið 2024 fögnum við 40 ára sígrænum ferli sem tímabundin trend ná aldrei að hagga.

Maðurinn sem fer alla leið; jafnvígur á grátur, hlátur, öskur, stans, dans, stendur Hólí Bí á skýi og skýtur þig með ástarörvum í hjartað. Segðu já og við ríðum sem vindurinn í sumar og haust.

Tryllingurinn hefst á tónleikaferð um landið í sumar og lýkur með ógleymanlegum stórtónleikum í Eldborg og Hofi í haust.